ТАРАЗ ҚАЛАСЫНДА ЫСТЫҚ СУДЫҢ БЕРІЛУІ ТОҚТАЛМАЙДЫ

Бұл туралы Өңірлік коммуникациялар қызметінде өткен баспасөз алаңында облыс әкімдігінің энергетика және тұрғын үй-коммуналдық шаруашылық басқармасы басшысының орынбасары Руслан Мұздыбеков айтты. Ол маусым кезінде 1,025 миллион гигакалорий жылу энергиясы өндіріліп, 122,354 миллион текше метр газ тұтынылғанын да атап өтті. Жылу көздері мен инженерлік инфрақұрылым желілерінде авариялық жағдайлар мен технологиялық бұзушылықтар тіркелмегенін жеткізді. – «Облыстағы барлық 9 жылу энергетика кешендері мен 444 автономды қазандықтар штаттық режимде жұмыс істеп, жалпы 1664 әлеуметтік маңызы бар нысан мен 1622 көпқабатты тұрғын үй жылумен қамтамасыз етілді. Бюджеттік мекемелердің автономды қазандықтары жоспарлы 67,4 мың тонна көмірмен, халық 188 мың тонна көмірмен толық қамтамасыз етілді. 2022 жылға 1 335 миллион текше метр газ көлеміне «ҚазТрансГаз Аймақ» АҚ-мен тиісті келісімшарттар түзілді. 3 моно қаланың орталық қазандықтарын қажетті отынымен қамтамасыз ету үшін бюджеттен 1 950,5 миллион теңге қарастырылды, – деді спикер. Руслан Орынбекұлы жылыту маусымы аяқталғанымен, Тараз қаласында ыстық су үздіксіз берілетінін жеткізді. Жалпы, қалада барлығы 915 көпқабатты тұрғын үй ыстық сумен қамтамасыз етілген. Алайда жыл сайынғы жылыту маусымына дайындық жұмыстарын жүргізу үшін жаз айында 15-20 күннен аспайтын мерзімге ыстық судың берілуі уақытша тоқтатылады. Сондай-ақ брифингке өңірдегі жылыту кәсіпорындарының жауапты мамандары «Таразэнергоорталық» АҚ вице-президенті Мамат Шакиров пен «Таразтрансэнерго» МКК өндірістік-техникалық бөлімінің басшысы Рауан Байдалиев қатысып, журналистер тарапынан қойылған сауалдарға жауап берді.

Өңірлік коммуникациялар қызметі