ИНВЕСТОРЛАРҒА ҚОЛДАУ КӨРСЕТІЛЕДІ

Жиында алдымен «Далиев» жеке кәсіпкерлігінің директоры Ербол Арыстанбаев «Май өндіретін шағын зауыт» жобасын таныстырды. Аймақ басшысы жергілікті билік инвесторларды қолдауға дайын екенін баса айтып, ұсынылған жобаның тиімділігі мен маңыздылығын зерделеп, мүмкіндіктерді қарастыру үшін жауаптыларға тапсырмалар берді. Бұдан соң инвестициялық жобаларды жүзеге асыру бойынша ауылшаруашылығы басқармасының есебі тыңдалды. Облысты кешенді дамыту жоспарына және жол картасына сәйкес ауылшаруашылық саласында ағымдағы жылы 212 жоба қолға алынбақ. Басқосуда ұсынылған жобалар жеке-жеке талданып, жан-жақты қаралды. Облыс әкімі саланың әлеуетін ескере отырып, жаңа бағыттағы жобаларды жүзеге асыру, сол арқылы жаңа жұмыс орындарының санын арттырудың маңыздылығын атап өтті. Тиісті тұлғаларға жобаларды қайта нақтылау бойынша міндеттер жүктеді.

Облыс әкімінің баспасөз қызметі