Есепте тұрған ер адам бас бостандығынан айырылды

Алайда кейбір сотталғандар өздеріне берілген мүмкіндікті ескермей, тәртіп бұзуын жалғастыра беруде. Нәтижесінде пробация қызметкерлері жаза өтеу тәртібін бірнеше рет саналы түрде бұзған есепте тұрғандарға қатысты бас бостандығынан шектеу жазасының өтелмеген бөлігін бас бостандығынан айыруға ауыстыру жөнінде сотқа ұсыныс жолдайды. Дәл осындай сот отырысының бірі қалалық №1 пробация бөлімінің есебінде тұрған азаматқа қатысты өтті. Онлайн өткен сот отырысы барысында пробация қызметінің ұсынысы қанағаттандырылып, Б есімді азамат бас бостандығынан айырылды. – Есепте тұрған ер адамның бұған дейін заңды бірнеше рет бұзғандығы белгілі болды. Ол пробация бақылауына тіркелуге келмей, жасырынған. Сондай-ақ бірнеше рет әкімшілік құқықбұзушылық жасаған. Пробация қызметкерлерімен жүргізілген алдын алу жұмыстарынан қорытынды шығармағандықтан сот шешімімен бас бостандығынан айырылды, – деді қалалық №1 пробация бөлімінің бастығы, әділет майоры Қуаныш Қалық. Атап өтерлігі, бейнебайланыс арқылы өткен сот отырысына есепте тұрған әрі жаза өтеуден жалтарып, тәртіп бұзуды қайталауға бейім өзге де азаматтар арнайы қатыстырылды. Мұндағы мақсат – оларды жаза өтеу тәртібі мен шарттарын бұзбауға шақыру. Ал олай болмаған күнде темір торға тоғытылатынын түсіндіру.

«AR-AI»-ақпарат