Түркияға шатыр, жылытқыш, қалың киім мен көрпе жетпей жатыр
Түркияға шатыр, жылытқыш, қалың киім мен көрпе жетпей жатыр
Зілзаладан зардап шеккен аймақтарға шатыр, генератор, жылытқыштар мен көрпе жетпей жатыр. Түркияның Қазақстандағы елшілігі киім-кешектен бөлек, дәл қазіргідей суықта пана болатын жылы жамылғыштар ауадай қажет екенін айтады.
Түркияның Қазақстандағы елшілігінің коммуникациялар жөніндегі кеңесшісі Махмут Байрам Шевкет алдағы уақытта гуманитарлық көмек қолын созамын деушілерден жоғарыда аталған тізімге басымдық беруді сұрап отыр. Ал Түркияның Қазақстандағы елшілігінің бастамасымен ашылған жәрдем шотына ақшалай аударымдардың легі үзілген емес. Дәл қазір шотқа 1 миллион 300 мың доллар шамасында ақша жиналған.