Елімізде төтенше жағдай министрлігінің жаңа әскери бөлімі құрылады

Бұл шара су тасқынының алдын алу және жаз кезіндегі өрт қаупіне, Түркия мен Сирияда болған жойқын жер сілкінісіне байланысты қабылданып отыр.

Айта кетейік, республика бойынша төтенше жағдайлар министрлігінің Шығыс Қазақстан, Алматы және Қарағанды облыстарында үш әскери бөлімі бар. Батыс аймақта көлемді құтқару құрылымдары жоқ. Сондай-ақ ТЖМ қызметтерінің штат саны артты. Өрт сөндіру бөлімшелері 380 адамға, құтқару станциялары 220 адамға, Апаттар медицинасы орталығы 94 адамға, «Қазселденқорғау» мекемесі 39 адамға көбейеді.

Бұл төтенше жағдайлар бойынша жедел әрекет ету деңгейін, авариялық-құтқару жұмыстарын жүргізудің тиімділігін, елдің өрт қауіпсіздігін, шұғыл медициналық көмек көрсетуді, сондай-ақ азаматтық қорғаныс әскери бөлімдері мен селден қорғау құрылыстарының толыққанды жұмысын қамтамасыз етеді.