Өртке қарсы оқу-жаттығу жиыны өтті

Тілсіз жаудың алдын алған жөн. Осыған орай, өңірлік Қылмыстық-атқару жүйесі департаментіне бағынысты №26 түзеу мекемесінде өрт қауіпсіздігіне байланысты оқу-жаттығу жиыны өтті. Мұнда ҚАЖ қызметкерлері жедел қимылдап, апаттың алдын алуға қабілетті екендіктерін көрсетті. Жалпы, бұл жиынның мақсаты – жеке құрамның өрт сөндіру кезіндегі тәжірибелік дағдыларын машықтау және тілсіз жаудың алдын алу болып табылады. Атап өту керек, қызметкерлер алдын ала дайындалған бойынша бағдарламаға сай жедел әрекет жасады. Олар жалын шарпыған сәтте оны ауыздықтауға бірден кірісті. Нәтижесінде, мекеме аумағы аз уақытта зазалсыздандырылып, қауіпсіздік қамтамасыз етілді. Айта кетейік, бұл оқу-жаттығу жиынына жеке құрам қызметкерлерімен бірге аталған мекемеде жазасын өтеуші азаматтар да атсалысқан болатын.