11 жасөспірім есепте тұр

Қазіргі таңда өмірге деген көзқарастары толық қалыптаса қоймаған жасөспірімдер арасында құқық бұзушылық деректері жиі тіркеледі. Шын мәнінде, олардың қылмысқа бейім болуына криминалдық ортада тәрбиленулері кері әсерін тигізуде. Сондай-ақ кейбір ата-аналардың ұл-қызына тәрбие берудегі жауапсыздығы мен тиісті көңіл бөлмеуі де жағдайды ушықтыра түсуде. Тараз қалалық №1 пробация бөлімінің есебінде өткен жылдың желтоқсан айында 11 жасөспірім тіркелген. Оның ішінде, сот үкімімен 6 жеткіншекке шартты түрде жаза тағайындалса, 5 жасөспірімге бас бостандығын шектеу жазасы қарастырылған.