Павлодарда өрттен 6 жастағы бала қаза тапты: оқиғаның егжей-тегжейі белгілі болды

Павлодарда алты жасар бала өрттен қаза тапты. Оның анасы жансақтау бөлімінде жатыр. Түнгі өрт 21 желтоқсанда сағат 01:03-те басталып, 4 пәтерлі тұрғын үйдегі 5 бөлмелі пәтер толығымен жанып кеткен. Жалын көршілес 2 бөлмелі пәтерге жайылған. Мұнда іргелес қабырға, ағаш төбе өртеніп, шатыры жартылай опырылған. Өртті сөндіруге 40 өртсөндіруші жұмылдырылды. Жалпы аумағы - 150 шаршы метр.

Қайтыс болған сәбидің анасы бірден жансақтау бөліміне жатқызылған.

Өртенген пәтерде екі отбасы тұрған. Өрт кезінде ішінде 4 ересек адам мен 5 бала болған. Қайтыс болған баланың әкесі жұмыста болған. Қазір екі отбасы да туған-туыстарында, олар оқиғаға бейжай қарамайтындардан көмек сұрайды. Зардап шеккендердің көршілері мен таныстары киім-кешек, аяқкиім, азық-түлік жинау ұйымдастырған.

Алдын ала болжам бойынша, өрт сымдардағы қысқа тұйықталудан шыққан. Өртке оранған үйден өртсөндірушілер 50 литрлік үш газ баллонын алып шыққан. Өрттен зардап шеккен отбасына көмек көрсетуге арналған деректемелер: Kaspi Gold: +7 777-651-66-25 - Александр Буркунов (қайтыс болған баланың әкесі)