Финал: Франция ойын аяқталуға он минут қалғанда екі гол соқты

Катардағы әлем чемпионатының финалдық кездесуі ерекше қарқынмен өтуде. 80 минут бойы ұтылып жатқан француздар таразы басын теңестірді. Франция құрамасының екі голын да Киллиан Мбаппе соқты. Ол ойынның 80-минутында пенальти соқса, араға бір минут салып есепті еселеді. Осылайша, Аргентина мен Франция арасындағы матч 2:2 есебімен өтіп жатыр. Айта кетелік, бірінші таймда аргентиналық ойыншылар екі гол соғып, алда келе жатқан еді. Алдымен Лионель Месси пенальтиден есеп ашса, кейін Анхель Ди Мария мергендігімен көзге түсті.