Қазақ тілінің мәртебесін арттыру – ұлттық бірліктің кепілі
Қазақ тілінің мәртебесін арттыру – ұлттық бірлікті нығайтудың стратегиялық маңызы бар бағыты. Мемлекеттік тіл – елдің тарихи жадын, мәдени кодын және рухани құндылықтарын сақтаушы негізгі құрал. Сондықтан қазақ тілінің қоғамның барлық саласында толыққанды қолданылуын қамтамасыз ету – мемлекеттік саясаттың басым міндеттерінің бірі.
Қазақ тілінің қолданыс аясын кеңейту мемлекеттік басқару, сот жүйесі, білім беру, ғылым және бұқаралық ақпарат құралдары салаларында оның тиімді әрі жүйелі пайдаланылуымен тығыз байланысты. Әсіресе ресми іс жүргізуде мемлекеттік тілдің үлесін арттыру құқықтық мәдениетті қалыптастырып, азаматтардың тең қолжетімділігін қамтамасыз етеді. Бұл өз кезегінде қоғамдағы сенімді күшейтіп, әлеуметтік тұрақтылыққа негіз қалайды.
Қазақ тілінің мәртебесін арттыру – ұлттық бірлікті бекемдеудің, ел тұтастығын сақтаудың және тәуелсіздікті нығайтудың негізгі факторларының бірі. Мемлекеттік тілдің кеңінен қолданылуы қоғамдағы үйлесімділік пен тұрақтылықты қамтамасыз етіп, Қазақстанның болашақтағы дамуына берік негіз қалайды.
Марат Омарбеков,
Жамбыл облысының мамандандырылған ауданаралық экономикалық сотының аға сот приставы