Ойыншық таңдауға да талғам қажет
Халқымызда «Ел боламын десең, бесігіңді түзе» деген тәмсіл бар. Алайда бесіктен бастап берілетін тәрбиеге біз қазір қалай көңіл бөліп жүрміз? Басқасын былай қойғанда, баланың қолына ұстата салатын ойыншықтарға қаншалықты мән береміз? Бүгін біз осы сауалдарға жауап іздеп көрмекпіз.
Психолог Айгүл Сәдуова бүгінде дүкен сөрелерінде жиі кездесетін ойыншықтардың көпшілігі шетелдік мультфильмдер мен анимациялық кейіпкерлерге негізделгенін айтады.
Бұл мәселеге байланысты ата-аналардың да өз айтары бар. Мәселен, көпбалалы ана Айжан Ермаханова «аяғы ауыр» Барби қуыршақтарының көбейіп кеткеніне өте алаңдаулы.
Сонымен қатар бүгінгі балалар спиннер, попит, слайм сияқты антистресс ойыншықтарға да ерекше қызығушылық танытады. Дегенмен, олардың дені белгілі бір шетелдік символикамен, атап айтқанда, ЛГБТ-ның түстерімен үйлестіріліп жасалғанын аңғару қиын емес.
Балалардың тәрбиесі – әрбір қоғамның, әрбір отбасының басты міндеттерінің бірі. Дінтанушы Мұхамеджан Қайыржанұлының айтуынша, Ислам дінінде де бұл мәселеге айрықша мән берілген.
Сондықтан ата-аналар ойыншық таңдағанда оның тәрбиелік, психологиялық және рухани мәніне көңіл бөлуі қажет. Оның үстіне, бүгінгі бүлдіршін – ертеңгі болашағымыз екенін ескерсек, ел болуды ең әуелі ойыншығымызды түзеуден бастағанымыз жөн-ақ.
Дариға МЫРЗА,
М.Х.Дулати атындағы Тараз
университетінің 4-курс студенті