100-ге жуық жеміс ағашы отырғызылды
19 наурыз – Жаңару күніне орай «Ұлы дала» ықшамауданындағы 3 гектар жерге 100-ге жуық жеміс ағашы отырғызылды. Игі бастамаға Әулиеата ауданы әкімдігі мен аудандық ардагерлер кеңесі мұрындық болған.
Жаңару күні – тазалықты, табиғатты аялауды, жаңашылдық пен жасампаздықты насихаттайтын ерекше күн.
Тараз қаласы, Әулиеата ауданы әкімінің орынбасары Шыңғыс Ерғараевтың айтуынша, байыпты бастаманың мақсаты – жастарға өнеге көрсету.
Аудандық ақсақалдар кеңесінің төрағасы Әмірхан Қанаев та өз ойын ортаға салып, көпшілікті туған жердің тазалығын сақтап, көркеюіне үлес қосуға шақырды.
Нұрбақыт ТҰТҚЫШБЕК