Арманнан басталған бизнес

Бұл компанияның негізін қалаушы Венера Алтынбекова туризм саласында 15 жылдан бері еңбек етіп келеді. Осы уақыт ішінде ол туризм нарығындағы түрлі өзгерістердің куәсі болып, туристерге кеңес беріп, жаңа турөнімдер жасап, өз бизнесін дамытудың барлық кезеңінен өтті. Біз әңгімемізді қазіргі туризм нарығының жағдайынан бастап, кәсіпкердің компанияны қалай құрғаны, қандай қиындықтарға тап болғаны және оны алға жетелейтін күш не екені туралы сұрадық.

Венера Айдарқызы 1990 жылы Аса ауылында дүниеге келген. Мектепті аяқтаған соң М.Х.Дулати атындағы Тараз университетіне туризм мамандығы бойынша оқуға түседі. Университетте оқып жүрген кезден бастап қосымша жұмыстар істеп, өз бетінше табыс табуға тырысады.

Университетті аяқтаған соң Венера шамамен бір айдай жұмыссыз жүреді. Ата-анасы ауылға келіп, жұмысқа орналасуға кеңес береді. Бірақ ол өз жолын өзі бастауға бел буады.

Көп ұзамай Тараз қаласындағы бір туристік агенттікке жұмысқа орналасады. Оны жұмысқа бірден қабылдағанымен, ары қарай бағыт-бағдар беретін адам болмайды. Сондықтан жас маман барлық нәрсені өзі ізденіп, үйреніп, тәжірибе жинақтайды.

Қиын күндерді бастан кешіп жүргенде Венераға бір досы көмектесіп, пәтер тауып беріп, қолына 500 мың теңге ақша береді. Осы қаражатпен Венера Бішкек қаласына аттанып, киім-кешек әкеліп, базардан орын алып, сауда жасай бастайды.

3-4 ай бойы киім сатып көргенімен, айналым аз болып, шығын көбейеді. Басқа бағытта бағын сынап көрмек болған кейіпкеріміз несиеге балмұздақ пен сусын дайындайтын екі аппарат сатып алып, оларды автобустар тоқтайтын жерге қояды.

– Бір күні базар директоры шақырды. Күн сайын сыртымнан бақылап жүрген ол кісі жолаушы тасымалдауға арналған автобустары бар екенін айтып, идея сұрады. Сонда Хоргосқа жолаушы тасымал туралы ойымды айттым. Идеям бірден ұнады. Сонымен базар басшысы 3 ірі компанияның бірін ұсынды. Сол айтылған компанияның басшысымен бірге барып, келіспекке бел будым. Ол кісі мені жақсы қабылдап, қолдау көрсетті.

Бұл уақытта базардағы орнында Венераның сіңлісі жұмыс істеп жүрген еді. Бірақ оқу басталған соң ол ауылға қайтып кетеді. Венера өзі сауда жасап жүргенімен, айналым аз болып, шығын көбейеді. Сол кезде ол ойлана келе туристік агенттік ашуға шешім қабылдайды.

«Marven tour» компаниясының басты ерекшелігі – клиенттерге ерекше көңіл бөлу. Мысалы, егер турист 1,5 миллион теңгеден жоғары тур сатып алса, компания арнайы жеңілдік ұсынады. Сонымен қатар әр үш ай сайын туристер арасында 500 мың теңге көлемінде тур ұтысқа ойнатылады.

Сонымен қатар компанияның арнайы қосымшасы бар. Кез келген адам қосымшаға кіріп, қалаған турын сатып ала алады. Ыңғайлы арзан саяхаттардың бағасын, жататын қонақүйлердің ерекшелігін байқай алады.

Компания менеджерлері туристермен тәулік бойы байланыста болады. Қандай да бір сұрақ немесе мәселе туындаса, олар тәуліктің кез келген уақытында көмек көрсетеді. Бұл туристерге сапар кезінде өзін қауіпсіз әрі сенімді сезінуге мүмкіндік береді.

«Marven tour» компаниясының миссиясы – адамдарға саяхаттың керемет күшін сезіндіру және әр адамға әлемді көруге мүмкіндік беру. Бүгінгі күні компанияда 5 адам жұмыс істейді. Компания әр туристің сапарын ерекше тәжірибе мен ұмытылмас эмоцияға айналдыруға тырысады. Туристердің қуанышы мен әсері компания қызметкерлері үшін де үлкен мотивация.

Венера Алтынбекованың айтуынша, туризм саласында ұзақ жыл еңбек ету үшін тек кеңседе отырып жұмыс істеу жеткіліксіз. Туристерге сапалы қызмет көрсету үшін әлемді өз көзіңмен көріп, түрлі елдердің мәдениеті мен демалыс мүмкіндіктерін зерттеу қажет.

Венера бұл елдің халқының өмірі оңай емес екенін айтады. Дегенмен соған қарамастан жергілікті тұрғындардың жүзінен жылылық пен мейірімділікті көруге болады.

Тағы бір ерекше әсер қалдырған бағыт – Еуропа елдері. Жалпы Еуропаға жасаған сапарларым ерекше әсер қалдырды. Әр елдің мәдениеті, тарихы, сәулеті мүлде бөлек. Табиғаты да өте әдемі. Мәселен Черногорияның табиғаты керемет, теңізі, таулары, қалалары бәрі ерекше үйлесім тапқан. Сол жерге барған кезде табиғаттың сұлулығына тағы бір рет таңғалдым, деген кәсіпкер Таяу Шығыстағы күрделі жағдай туризм саласына да өз әсерін тигізіп жатқанын жеткізді.

Туризм саласында көп жыл жұмыс істеген Венера бүгінгі күні кең таралған «авторлық турларға» аса сеніммен қарамайтынын да айтып қалды. Кәсіпкер мұндай турлардың қауіпті болуы мүмкін екенін өз тәжірибесінде де көргенін айтады.

Көптеген адамдар шетелге алғаш рет шығудан қорқатынын Венера жақсы түсінеді. Осыған орай өз кеңесін берді.

Венера Алтынбекова үшін туризм тек бизнес емес. Бұл – адамдарға жаңа әсер сыйлайтын, олардың өміріне ұмытылмас сәттер қосатын ерекше сала.

15 жыл ішінде жинақталған тәжірибе, жүздеген саяхат және мыңдаған туристің сенімі Венера Алтынбекова құрған «Marven tour» компаниясын бүгінгі күні сенімді туристік ұйымдардың біріне айналдырды. Ал кәсіпкердің өзі үшін бұл жол – тек бизнес емес, адамдарды жаңа әлеммен таныстыратын өмірлік миссия болып қала бермек.

Айжан ӨЗБЕКОВА