Қазақстанда тағы бір дәрілік препаратты қолдануға тыйым салынды
Тіркеу куәліктерінің иелері мен өндірушілерге ұлттық рәсім бойынша тіркелген дәрілік препараттарды Еуразиялық экономикалық одақ (ЕАЭО) талаптарына сәйкестендіру мерзімінің аяқталуға жақын екені ескертілді, деп хабарлайды arainfo.kz
Қолданыстағы нормаларға сәйкес, сәйкестендіру рәсімі 2025 жылғы 31 желтоқсанға дейін аяқталуы тиіс. Дәрілік заттардың нарықтағы тапшылығын болдырмау мақсатында осы күнге дейін берілген өтінімдер CTD форматындағы толық тіркеу досьесінсіз қабылданады. Өтінімде Қазақстан Республикасын референттік мемлекет немесе тану мемлекеті ретінде көрсету қажет.
Толық тіркеу досьесі 2026 жылғы 31 желтоқсанға дейін ұсынылуы тиіс. Сараптамалық жұмыстар құжаттар толық көлемде тапсырылғаннан кейін ғана басталады. Белгіленген мерзімде досье ұсынылмаған жағдайда препаратты сәйкестендіруден бас тарту туралы шешім қабылданады.
Өтінім мен растайтын құжаттар уақтылы тапсырылған жағдайда тіркеу куәлігінің қолданыс мерзімі рәсім жүргізу кезеңіне ұзартылуы мүмкін.
Аталған талаптар 2022 жылғы 10 маусымдағы Еуразиялық экономикалық комиссия Кеңесінің №96 шешімі шеңберінде тіркелген дәрілік препараттарға, сондай-ақ ерікті түрде сәйкестендірілетін стратегиялық маңызы бар дәрілік заттарға қолданылмайды.
ЕАЭО талаптарына сәйкестендіру жүргізілмеген препараттардың тізбесін МФБК-ға жолдап, оның көшірмесін ДЗ мен МБ СҰО-ға ұсыну қажет.