«BAL-bolaşaq»-тың мақсаты – балаларды дамыту
«BAL-bolaşaq» дамыту орталығы жылдың басын жақсы жаңалықпен бастады. Жуырда орталық Б.Момышұлы ауылының Жібек жолы көшесінде орналасқан «TopJargan» кәсіптік оқыту орталығының ғимаратына көшіп, есігін айқара ашты.
Ашылу салтанатына аудандық мәслихаттың депутаты Нүрилә Мәлібекова, Б.Момышұлы ауылының әкімі Рәтбек Көсембаев, бүлдіршіндердің ата-аналары, игі бастамаға қолдау білдірді.
100 балаға арналып ашылған «BAL-bolaşaq» дамыту орталығында бүгінде психолог, дефектолог, логопед, АВА терапист сынды мамандар жұмыс істейді. Мұнда балалар негізінен психикалық дамудың тежелуі, сөйлеу дамуының кешігуі, зейін жеткіліксіздік және гиперактивтілік синдромы, жалпы сөйлеудің дамымауы және тағы да басқа диагноздары бойынша қабылданады.
Орталықта балалармен жеке дамыту жұмыстары жүргізіледі. Мамандар түрлі құралдармен дамыту ойындары арқылы жұмыс істейді, тілдің сөйлеуіне, дененің дамуына, сүйек, буын ауруларына массаж жасайды. Сонымен бірге иппотерапия жасалады.
Лаура МҰСАБЕКОВА,
журналист,
Жуалы ауданы