Тараздағы өрт: облыс әкімі оқиға орнына арнайы барды
Облыс әкімі Ербол Қарашөкеев Тараз қаласындағы «Қарасу» (5) шағын ауданында орналасқан №15 тұрғын үйге арнайы барып, өрттен кейінгі жағдаймен танысты, деп хабарлайды arainfo.kz
Аймақ басшысы төтенше жағдай салдарынан зардап шеккен тұрғындардың мәселесі назардан тыс қалмайтынын атап өтіп, жауапты сала басшыларына нақты тапсырмалар жүктеді. Тұрғындарға жан-жақты көмек көрсету, келтірілген шығынды бағалау және қауіпсіздік шараларын күшейту тапсырылды.
Еске сала кетейік, 31 желтоқсан күні сағат 22:18 шамасында аталған үйдің бесінші қабатындағы балконнан өрт шығып, жалын тұрғын үйдің шатырына дейін тараған.