Инвестициялық жобалардың игілігі мол
Мемлекет басшысының тапсырмаларын жүзеге асыру аясындағы Үкіметтің негізгі міндеттерінің бірі – экономиканы әртараптандыру және қайта өңдеуді дамыту. Негізгі мақсат – тек шикізат экспортына бағдарланудан аулақ болып, қосымша құнды, тұрақты жұмыс орындарын, тұрақты экспорттық әлеуетті қамтамасыз ететін жаңа өндірістерді құру.
Бүгінгі таңда 20 мыңнан астам жұмыс орнын құруға мүмкіндік беретін 10,2 триллион теңгеге жуық сомаға ірі индустриялық жобалар портфелі жасақталды. Жобалар шикізат бағасының ауытқуларына тәуелділікті азайтуға және нақты өнеркәсіптік өндірісті дамытуға бағытталған. Мәселен «ЕвроХим-Қаратау» жауапкершілігі шектеулі серіктестігі Жамбыл облысында күкірт қышқылы, минералды тыңайтқыштар және индустриялық өнімдерді өндіреді. Инвестиция көлемі – 536 миллиард теңге. 1,2 мың жұмыс орны ашылады. Жоспарланған өнім – жылына 800 мың тонна. Келесі жылы іске қосылады.
Түркістан облысындағы «Састөбе химиялық кешені» жауапкершілігі шектеулі серіктестігі каустикалық сода, ПВХ және ілеспе материалдар шығарады. Инвестиция көлемі – 153,9 миллиард теңге. 940 жұмыс орны ашылады. Жылына 100 мың тонна каустикалық сода, 120 мың тонна ПВХ, 200 мың тонна кальций карбиді және 400 мың тонна әк өндіріледі. 2027 жылы іске қосылады.
«Qazaq Kalium Ltd» ЖК – БҚО-дағы «Сатимола» кен орнынан калий тұздары бойынша байыту-өндіру кешені. Инвестиция көлемі – 1,2 триллион теңге. 4 000 жұмыс орны ашылады. Жоспарланған өнім – жылына 1,5 миллион тонна калий тыңайтқышы. 2027 жылы іске қосылады.
Түркістан облысындағы «Taiqonyr Qyshqyl Zauyty» жауапкершілігі шектеулі серіктестігінің күкірт қышқылы зауыты. Инвестиция көлемі – 113,5 миллиард теңге. 274 жұмыс орны орны ашылады. Жылына 800 мың тонна күкірт қышқылы шығарылады. 2027 жылы іске қосылады.
Қарағанды облысында болат өнімдерінің жаңа түрлерін шығару арқылы «Qarmet» АҚ өндірісін кеңейту. Инвестиция көлемі – 1,6 триллион теңге. 1,9 мың жұмыс орны ашылады. Жоспарланған өнім – жылына 5 миллион тонна болат. Өндіріске қосу мерзімі – 2028 жыл.
«ССКӨБ» АҚ-ның Қостанай облысындағы ыстықтай брикеттелген темір өндіретін зауыты (I кезең). Инвестиция көлемі – 920 миллиард теңге. 1 мың жұмыс орны ашылады. Өндіріс көлемі – жылына 2 миллион тонна. 2028 жылы іске қосылды.
Сондай-ақ Мемлекет басшысының шикізат емес секторға, қосылған құн мен тұрақты жұмыс орындарын беретін жобаларға баса назар аудара отырып, жаңа инвестициялық циклды қалыптастыру жөніндегі тапсырмалары шеңберінде Үкімет шетелдік инвесторларды өңдеу, металлургия, химия және материалдар өндірісіне тікелей тарту жөніндегі жұмыстарды күшейтті.
Шетелдіктердің қатысуымен шамамен 5,7 триллион теңгеге 20 ірі жобадан тұратын портфель жасақталды, олар бойынша 11 мыңнан астам жұмыс орны ашылады.
Мұндай жобалардың ең көбі Жамбыл облысында шоғырланған – бес жоба, ал Павлодар облысында – төрт жоба. Инвестиция көлемі бойынша Жамбыл облысы 1,47 триллион теңгеге, Павлодар облысы 1,02 триллион теңгеге, сондай-ақ Қостанай облысы 920 миллиард теңгеге ірі жобамен көш бастап тұр.
Сондай-ақ құрылыс материалдарын өндіру, ағаш өңдеу және машина жасауда бірқатар жоба жүзеге асуда.
Бұдан басқа, екі елден көп қатысушысы бар 9 көпжақты жоба жүзеге асырылуда, құйылатын қаражат $2,4 миллиард шамасында, олар бойынша 2,8 мыңнан астам жұмыс орны құрылады.
Шетелдік инвесторлар үшін жағдайдың жақсаруы, Инвест штабтың жұмысы және негізгі индустриялық аймақтардағы жобалардың нақты жиынтығы қолайлы инвестициялық климат туғызып отыр.
Индустриялық бастамаларға инфрақұрылыммен қамтамасыз ету және мақсатты түрде қаржыландыру арқылы қолдау көрсетілуде. «Араластыра қаржыландыру» қағидаты мемлекеттік қаражатты нарықтағы қаржымен біріктіруге жол ашып, нәтижесінде салыстырмалы түрде аз бюджеттік инвестициялармен айтарлықтай көп инвестициялар тартуға мүмкіндік туып отыр.
Бұл ретте 2026 жылға арналған бюджетте саланы қолдаудың жаңа құралдары көзделген, мәселен, «Қазақстанның Даму банкі», Өнеркәсіпті дамыту қоры және «Qazaqstan Investment Corporation» арқылы 30-ға жуық жаңа жобаны қолдау жоспарлануда. Бұл жүздеген миллиард теңге инвестициялар тартуды және шикізаттық емес өнім өндіру көлемінің арттыруды қамтамасыз етеді. Сондай-ақ 2026-2028 жылдарға арналған инвестициялық бастамалар қолға алынды, соның ішінде даму институттарының капиталын ұлғайту және жабдықты жаңарту үшін лизингтік қаржыландыру бағдарламасы дайындалды.
primeminister.kz