Гонконгте үш күндік аза тұту жарияланды
Тай По ауданындағы тұрғын үй кешенінде болған жойқын өрттен кейін қаладағы барлық мемлекеттік ғимараттарда тулар дүйсенбіге дейін төмен түсірілді, деп хабарлайды arainfo.kz
Сондай-ақ ресми іс-шаралардың барлығы уақытша тоқтатылды.
Гонконгтың орталық бөлігінде тұрғындар қаза тапқандарды үш минут үнсіздікпен еске алды.
Көпқабатты кешенді шарпыған өрт салдарынан 128 адам қаза тапты, ал шамамен 200 тұрғын туралы әзірге ақпарат жоқ. Бұл — Гонконгта соңғы 80 жылда тіркелген ең алапат өрт.
Билік құтқару операциясы аяқталғанын мәлімдеді, алайда қаза тапқандар саны әлі де өсуі мүмкін екенін жоққа шығармайды.