Ысырапшылдыққа тыйым күшейді: Мүфтият жаназа мен құдайы асқа арналған жаңа мәзір бекітті
Қазақстан мұсылмандары діни басқармасы (ҚМДБ) жаназа мен құдайы ас кезінде ысыраптың алдын алу мақсатында арнайы бірыңғай мәзір бекітті, деп хабарлайды arainfo.kz
Жаңа талапқа сәйкес, ас дастарханында артық салаттар, тәтті бәліштер, торттар мен түрлі жеміс-жидектер қоюға болмайды.
Бекітілген мәзір бойынша дастарханға төмендегі алты негізгі өнім ұсынылады:
Нан өнімдері: бауырсақ, шелпек
Сусын: шай мен су
Ыстық тағам: ет немесе палау
Қосымша ұсыныс ретінде сары май, тары-талқан, қант пен кәмпит енгізілген. Ал тәтті тағамдар мен түрлі салаттар бұл тізімге кірмейді.
Имам Өмірзақ Бекқожаның айтуынша, исламда ысырапқа жол жоқ және жаназа асындағы басты мақсат – келген жұртты шамадан тыс шығынсыз, қарапайым түрде тамақтандыру.
Қазіргі таңда бұл талап Арқалық, Павлодар, Абай облысы мен Жезқазған қаласында енгізіле бастады.