Біреудің орнына біреу дауыс беріп жібереді – Әбдірасұлов

Биыл елімізде Президент сайлауының алдында алғаш рет «Қазақстан заңгерлер одағының» бастамасымен «Адал сайлау үшін» штабы құрылған болатын, деп хабарлайды Arainfo тілшісі BAQ.KZ-ке сілтеме жасап.

Штабтың міндеті халыққа сайлау заңын, олардың қандай міндеттері мен құқықтары барын түсіндіру, сайлаушылармен кездесу, қандай проблемалар болуы мүмкін екенін және оны шешу жолын көрсету, - деді штаб мүшесі, заң ғылымдарының докторы, профессор Ермек Әбдірасұлов. «Адал сайлау үшін» штаб мүшелері бүгінгі брифингте Қазақстан Республикасының Президенттігіне кандидаттарды ұсыну, тіркеу барысы мен Орталық сайлау комиссиясы қабылдаған шешімдердің ашық әрі заң аясында болғанын атап өтті. Алайда алдағы насихаттау, дауыс беру кезеңдерінде көптеген сұрақтар мен мәселелер тууы мүмкін екенін де ескертті.

Сондай-ақ ол сұрақ күрделі болса, штаб демалысқа қарамай, онлайн не офлайн түрде жиналып, ақылдасып, қандай жолы бар екенін айтуға дайын екенін жеткізді.

Айта кетейік, «Адал сайлау үшін» штаб мүшелерінің құрамында Ермек Әбдірасұловтан бөлек, Еркін Оңғарбаев, Индира Әубәкірова, Марат Башимов, Әбдікәрім Ақжанов бар.