Аймақ басшысы – «AR-AI» редакциясында
Баспасөз – қоғам айнасы. «Журналистің арқалағаны – алтын, жегені – жантақ» деп белгілі жазушы Шерхан Мұртаза айтқандай, бұл салада жауапкершілік пен адалдық қатар жүреді. Әсіресе жастар басылымдары өскелең буынның ой-өрісін қалыптастырып, жаңа бастамаларға жол ашады. Осы міндетті абыроймен атқарып келе жатқан «AULIEATA-MEDIA» жауапкершілігі шектеулі серіктестігіне қарасты «AR-AI» жастар газетінің 20 жылдық мерейтойына орай облыс әкімі Ербол Қарашөкеев Шерхан Мұртаза атындағы Баспасөз үйіне арнайы келіп, ұжыммен кездесті.
Аймақ басшысы алдымен «AR-AI» газетінің фототілшісі Алтынбек Қартабайдың редакцияның 20 жылдық тарихынан сыр шертетін фотокөрмесін тамашалады.
Кездесу барысында AULIEATA-MEDIA» жауапкершілігі шектеулі серіктестігінің Бас директоры Данияр Асқарұлы облыс әкіміне жастар газетінің тарихымен таныстырып, мерейтойға орай ұйымдастырылған шаралар жөнінде қысқаша мәлімет берді.
Өз кезегінде сөз алған Ербол Шырақпайұлы газет ұжымына ақ тілегін арнады.
Басқосу барысында редакция қызметкерлеріне мерейтойға орай 1 500 миллион теңгенің сертификаты табыс етілді.
Айжан ӨЗБЕКОВА