Егін жинау жұмыстары 94,7 пайызға аяқталды

Облыс әкімдігі ауылшаруашылығы басқармасының басшысы Қайрат Көшеновтің айтуынша, 2025 жылдың 9 айында 362,9 миллиард теңгенің өнімі өндірілді. Негізгі капиталға 33,2 миллиард теңге инвестиция тартылды. Жыл басынан бері 335 ауылшаруашылығы техникасы сатып алынды.

Биыл 640 мың гектар алқапқа ауылшаруашылығы дақылдары егілді. Егістік алқаптарын әртараптандыру мақсатында мал азығы дақылдары 3,6 мың гектарға, майлы дақылдар – 5 мың, көкөніс дақылдары – 4,7 мың, бақша дақылдары – 7,3 мың, картоп 1,5 мың гектарға артып отыр.

Шілде айынан басталған егін жинау жұмыстары 94,7 пайызға аяқталып, 3,2 миллион тонна өнім алдынды (жылдық жоспар – 3,4 миллион тонна). 8,2 мың гектар картоп дақылының 100 пайызы жиналып, 207 мың тонна, 31,1 мың га көкөніс дақылдарының 97,3 пайызы жиналып, 1,2 миллион тонна, 38 мың гектар майлы дақылдар 100 пайыз жиналып, 31,3 мың тонна, 12,7 мың гектар бақша дақылдары 100 пайыз жиналып, 389 мың тонна, 18,1 мың гектар жүгері дақылының 100 пайызы жиналып, 129 мың тонна өнім алынды.

Күзгі дала және жинау жұмыстарына 9,3 мың ауылшаруашылығы техникасы тартылды. Ол үшін мемлекет тарапынан 4,3 мың тонна жеңілдетілген жанар-жағармай бөлінді.

Бұдан бөлек, көктемгі және күзгі дала жұмыстарын қаржыландыру үшін «Аграрлық несие корпорациясы» акционерлік қоғамы арқылы «Кең дала» және «Кең дала-2» бағдарламалары аясында облысқа 7 миллиард теңге қаржы қарастырылған болатын. Бүгінге дейін 209 шаруаға 4,9 миллиард теңге қаражат 5 пайыздық несиемен берілді.

Сонымен қатар 5,3 мың гектар алқаптан 292,6 мың тонна қант қызылшасын алу жоспарлануда. Бүгінге дейін шаруалар «Меркі қант» зауытына 90,5 мың тоннадан астам тәтті түбірді өткізді.

Ал облыс әкімдігі ветеринария басқармасының басшысы Бақыт Бетбаевтың хабарлауынша, өңірде ветеринариялық-профилактикалық және диагностикалық іс-шаралар жоспарға сай жүргізілуде.

Бүгінгі күнге дейін жоспарланған 16,5 миллион вакцинацияның 11,3 миллионы, 5,6 миллион диагностикалық шараның 4,3 миллионы орындалды.

1 362 284 бас төл бірдейлендіріліп, АШЖБ дерекқорына енгізілді (жылдық жоспар – 1 491 790). 194,6 миллион теңгеге жануарлардың құлақ жапсырмалары сатып алынды.

Облыстағы Конго-Қырым геморрагиялық қызбасының табиғи ошағында орналасқан 46 елді мекенде үш кезең бойынша 24 398 қора-жай, 168 мың шаршы метр буферлік аймақ және барлығы 580 мың бас ауылшаруашылығы жануары залалсыздандырылды.

2025 жылы 46 типтік үлгідегі ветеринариялық пункттің құрылысын жүргізу жоспарланған. Бүгінгі күнге дейін 21 нысанның құрылысы аяқталды. 11 ғимараттың құрылысы жүргізілуде. Қалған 14-іне жер телімі дайын тұр.

Басқосуда облыс әкімдігінің кәсіпкерлік, табиғи ресурстар, жер қатынастары және өзге де салалардағы мәселелер қаралып, жауапты тұлғалар баяндама жасады.

Облыс әкімі аталған салаларға жауапты орынбасары Әбілхайыр Тамабек пен басқарма басшыларына, Тараз қаласы мен аудан әкімдеріне бірқатар тапсырма берді.

Өңір басшысы ауылшаруашылығы саласындағы көрсеткіштердің 100 пайыз орындалуын қамтамасыз етуді, салаға инвестиция тартуға жіті көңіл бөлуді, «Jibek Joly» арнайы экономикалық аймағы, «Тараз» индустриалық аймағы және «Талас» субаймағының инфрақұрылымын дамыту, жобаларды іске асыруды бақылауға алуды міндеттеді.

Сонымен бірге ветеринария саласында вакцина егу, жануарларды бірдейлендіру, материалдық-техникалық базына нығайту бойынша іс-шаралардың жүйелі орындалуын ұйымдастыруды, жер қатынастары, жер қойнауын пайдалану және су шаруашылығы саласында пәрменді шарлар қабылдауды талап етті.

Облыс әкімінің баспасөз қызметі