Бұрынғы Жамбыл облысының прокуроры жаңа қызметке тағайындалды
ҚР Бас прокуроры Берік Асылов өзінің Х парақшасында Құқық қорғау органдары академиясының жаңа ректорын таныстырды, деп хабарлайды arainfo.kz
Бұл қызметке 3-сыныпты мемлекеттік әділет кеңесшісі, PhD докторы Нұрғалым Мәжитұлы Әбдіров тағайындалды. Ол бұған дейін өңірлерде және Бас прокуратурада басшылық қызметтер атқарған тәжірибелі прокурор.
Берік Асылов Академия алдына бірнеше маңызды міндет қойды:
білім беру бағдарламаларын жасанды интеллектке басымдық бере отырып жаңғырту;
жасанды интеллектті қолдана отырып, киберқылмыс пен заманауи қатерлерге қарсы тұра алатын құқық қорғау қызметкерлерін даярлау;
ғылыми зерттеулердің қолданбалы сипатын арттыру;
Академияның ғылыми басылымдарының халықаралық беделін күшейту;
курсанттарда тәртіптілік пен мемлекетке адалдықты тәрбиелеу;
шетелдік бейінді оқу орындарымен ынтымақтастықты нығайту.