Азық-түлік арзанға сатылды

Облыс орталығында ауылшаруашылық тауарлары жәрмеңкесін өткізудегі басты мақсат – тараздық тұрғындарды табиғи өніммен арзандатылған бағада қамтамасыз ету. Мұндай игі іс сауда саласындағы баға тұрақтылығын сақтап, шаруа мен тұтынушы арасында ауадан ақша жасап жүрген алыпсатарлардың жолын бөгейді әрі халық тауарды өндірушіден тікелей сатып алғандықтан баға төмен болады. Өткен сенбіде Тараз қаласындағы «Әлеуметтік базар» алаңында ұйымдастырылған жәрмеңкеде шаһардың шаруалары мен мен кәсіпкерлері өндірген және тұрақтандыру қорының өнімдері сатылымға шығарылды.