Өндіріске жүйелі көзқарас қажет
Биыл елімізде «Жұмысшы мамандықтары жылы» деп жарияланғаны белгілі. Еңбек адамдарының мәртебесін арттырған жыл қарсаңында әр өңірден бір-бір еңбек адамы Астанаға арнайы барып, Мемлекет басшысының Қазақстан халқына Жолдауын тыңдады. Солардың қатарында облыс атынан Сарысу ауданы, Жаңатас қаласының тұрғыны, «Қазфосфат» жауапкершілігі шектеулі серіктестігіне қарасты «Қаратау» тау-кен өңдеу кешенінің орталық байыту фабрикасының механигі Әлібек Сатқанбаев та болды. Әлібек бұл салада 13 жылдан бері еңбек етіп келеді.
Өңірге оралған соң Әлібек Қадырбекұлы журналистермен кездесіп, алған әсерімен бөлісті.
Ол сондай-ақ Жұмысшы мамандықтары жылы мен жастарды жұмысшы мамандықтарға тарту қажеттігі жөнінде атап өтті. Әсіресе, жұмысшы мамандықтарын даярлау жайына көп көңіл бөлінсе деген тілегін жеткізді. Жұмысшы мамандығына жастардың аз келуіне алаңдаушылық білдірген еңбек адамы жастарды қызықтыру үшін мемлекеттік қолдауды күшейту қажет деп санайды.
Президенттің Жолдауына қатысу Әлібек Қадырбекұлы үшін үлкен жауапкершілік жүктепті.
Ақтоты ЖАҢАБАЙ