Бүгін Шерзат Болат өліміне қатысты іс қайта қаралады
Бүгін Алматы облыстық сотының ғимаратында Шерзат Болаттың өліміне қатысты апелляциялық шағым қаралады, деп хабарлайды arainfo.kz
Бұл туралы жәбірленуші тараптың адвокаты Мейірман Шекеев хабарлады.
Оның айтуынша, Қонаев қаласында 8 сотталушының апелляциялық шағымы талқыланады. Сондай-ақ, төбелес кезінде оқиға орнында болған Эльмира Нұрбекова мен Дана Жақсыгелдіге қатысты іс, куәгерлерге байланысты жеке шағымдар да осы отырыста шешімін табады.
Еске салайық, 2024 жылғы 4 қазанда Талғар қаласында 16 жастағы Шерзат Болат дүкенде әкесіне көмектесіп жүрген кезінде қаза тапқан еді. 2025 жылдың 5 маусымында бұл іс бойынша 9 адамға үкім шығарылған.