Жұмыспен қамту шараларының нәтижесі қандай?

Облыс әкімдігінің мәжіліс залында өткен кезекті аппараттық кеңесте халықты жұмыспен қамту және әлеуметтік қамсыздандыру мәселесі кеңінен талқыланды. Бұл – өңір халқының өмір сапасын жақсартуға бағытталған аса маңызды сала. Облыс әкімі Ербол Қарашөкеевтің төрағалығымен өткен жиында халықты еңбекпен қамту, әлеуметтік қолдау шаралары, атаулы әлеуметтік көмек тағайындау мен еңбек ресурстарын тиімді пайдалану жайы сөз болды.