Тоқаев жамбылдық Зайнуллиндер отбасына Алғыс жариялады
Мемлекет басшысы Қасым-Жомарт Тоқаевтың төрағалығымен өткен құқық қорғау органдарының кеңейтілген алқа мәжілісінде ел ішіндегі тұрақтылық пен қауіпсіздікті қамтамасыз ету жолындағы тәртіп сақшыларының еңбегі жоғары бағаланды, деп хабарлайды arainfo.kz
Осы ретте Жамбыл облысындағы полиция саласында абыройлы қызмет етіп жүрген Зайнулиндер әулетіне қоғамдық тәртіпті нығайтуға қосқан елеулі үлесі үшін ресми Алғыс жарияланды.
63 жылдық жалпы еңбек өтілі бар әулет өкілдері бірнеше буын бойы құқық қорғау органдарында адал қызмет етіп келеді. Зайнулиндер – кәсіби біліктілігімен ғана емес, өскелең ұрпаққа үлгі боларлық қызметімен де ерекшеленетін әулет ретінде танымал.