Баланың есепшотын бұғаттауға бола ма?

Жеке кәсіпкер болып тіркелген азаматтар салық төлеу туралы есептілігін өткізбеген жағдайда банк есепшоттарының бұғатталатыны белгілі. Алайда мұндай жағдайда оның жақындарының немесе туған-туысқандарының жеке есепшотын бұғаттайтыны туралы естіген емеспіз. Жақында Тараз қаласының тұрғыны Елмира Тұрлыбаева өзінің емес, 12 жасар баласының есепшоты бұғатталғанын айтып, редакциямызға хабарласқан еді.