Жазғы демалысқа дайындық жоғары

Оқушылардың жазғы демалысын қызықты әрі тиімді өткізу мақсатында жазғы лагерьлерде дайындық жұмыстары қызу жүргізілуде. Биыл облыста 1-10 сыныптағы 217 757 оқушының 88,5 пайызын жазғы демалыспен қамту көзделіп отыр. Бүгінгі таңда қала сыртындағы 12 лагерьдің жетеуі балаларды қабылдауға дайын. Оның ішінде жыл бойы жұмыс істейтін «Мөлдір бұлақ» орталығы мен маусымдық 6 лагерь бар. Соның бірі – «Жұрындысай» лагері.