Жастар жемқорлыққа қарсы
«Жаңару» сыбайлас жемқорлыққа қарсы жалпыұлттық қозғалыс» республикалық қоғамдық бірлестігі облыстық филиалының директоры Қасымхан Төлендиев Шерхан Мұртаза атындағы Халықаралық Тараз университетінің студенттерімен кездесті. «Жастарды құқықтық тәрбиелеу – сыбайлас жемқорлыққа қарсы дүниетанымның негізі» тақырыбында өткен басқосуда жастардың бойында адамгершілік, имандылық сияқты ізгі қасиеттерді қалыптастыру мәселесі кеңінен сөз болды.
Басқосуда алғашқы болып сөз алған Қасымхан Естемесұлы сыбайлас жемқорлық қоғамның дамуын тежейтін, заң мен тәртіп үстемдігін бұзатын қауіпті құбылыс екеніне тоқталды.
Негізгі тақырып бойынша баяндама жасаған Шерхан Мұртаза атындағы Халықаралық Тараз университетінің ректоры, профессор Махмедғали Сарыбековтің сөздері студенттерге үлкен ой салды.
Ал ҚР Сыбайлас жемқорлыққа қарсы іс-қимыл агенттігі облыс бойынша департаменті басшысының бірінші орынбасары Дәурен Омаров өз сөзінде ведомство тарапынан сыбайлас жемқорлыққа қарсы жүйелі жұмыстар жүргізіліп жатқанын атап өтті.
Сонымен қатар жиында «АMАNАТ» партиясы облыстық филиалы атқарушы хатшыcының орынбасары Уәлихан Болатбек, облыстық жастар ресурстық орталығының директоры Айбек Қадралиев, Шерхан Мұртаза атындағы Халықаралық Тараз университетінің «Саналы ұрпақ» еріктілер клубының белсенді мүшесі Жания Ерболқызы да тақырып төңірегіндегі орамды ойларын ортаға салды.
Ақтоты ЖАҢАБАЙ