Қызылқайнар ауылында жаңа мәдениет үйі ашылды
Жамбыл ауданына қарасты Қызылқайнар ауылында заманауи үлгіде бой көтерген мәдениет үйі ел игілігіне пайдалануға берілді,деп хабарлайды arainfo.kz
Бұл – аудан бойынша 22-ші мәдени нысан. Жаңа мәдениет үйі ауыл тұрғындары үшін көптен күткен қуанышты оқиға болды. Ашылу салтанатына аудан әкімі Ерлан Қыдыралыұлы, ауыл тұрғындары мен зиялы қауым өкілдері қатысты.
Салтанатты рәсімде сөз сөйлеген аудан басшысы мәдениет пен өнер — рухани даму мен ұлт болашағының негізі екенін атап өтіп, жаңа нысан ауыл өміріне тың серпін беретінін жеткізді.
Қызылқайнар ауылы бұрыннан өнерге жақын, талантты жастары көп елді мекендердің бірі саналады. Осы орайда жаңа мәдениет үйі ауыл балаларының шығармашылығын шыңдап, өз өнерлерін шыңдайтын орталыққа айналуы көзделуде. Болашақта бұл жерде театр қойылымдары, концерттер, түрлі байқаулар мен мәдени іс-шаралар ұйымдастырылатын болады.