Айтары бар суреттің сыры
Танымал иллюстратор Аңсаған Мұстафа, ең алдымен, «Facebook» әлеуметтік желісінде өзінің ерекше суреттерімен таныла бастады. Заманауи әрі бір қарағаннан түсінікті суреттер қоғамдағы түрлі проблемаларды ашып көрсетті.
Әлеуметтік тақырыпта сурет салып, әр туындысын сөйлете білген суретші барлық шығармасында ақ пен қара түсті ғана пайдаланады. Суретші үшін суреттің түсі маңызды емес, ең маңыздысы – көрерменге ой салу.
Аңсаған қылқаламымен қыз тәрбиесі, ана болмысы, әйел тақырыбын көп қозғады. Суретшінің қай шығармасын қарасаң да тұңғиық ойға батырады. Оған себеп, Аңсағанның байқампаздығы әрі өзі бейнелеп отырған әр тақырыптың ащы шындығын нық көрсете білуінде.
Шаранасын алдырып тастауға бекінген, яғни оң жақта отырып жүкті болып қалған нәзікжандылардың күйігіне суретші бейжай қарай алмайды. Аңсағанның жан тебірентер «Мамам мені өлтіретін шығар...» атты картинасы осының айғағы. Бүгінде ең көп тараған туындыларының бірі әлемнің бірнеше тіліне аударылған.
Иллюстратордың сөзіне сүйенсек, көп ару осы картинадан соң түсік тастатпай, сәбилерін дүниеге аман-есен алып келген екен. Құрсақтағы балаларын картинаны көрген соң алдырудан бас тартқан жас аналар қиын жағдайына қарамастан өмір сыйлаған балаларының суретін жиі жіберетін көрінеді.
Бұл картина туралы психологтың пікірін де тыңдап көрген едік.
Иә, жас баланың бойына обал мен сауап, кие мен ұятты сіңіру үлкендердің міндеті. Ендеше, әр ата-ана өз ұрпағымен етене жақын, сырлас дос болуы шарт. Сонда ғана жастар қолымен жасаған қателігін мойнымен көтеруге тырысар еді.
Құралай СЕЙСЕНБЕКҚЫЗЫ