Елімізде тағы да алты елді - мекен ваучерлік қаржыландыруға қосылды
Қазақстанда ваучерлік қаржыландыру әдістемесін қолдана отырып, мектепке дейінгі тәрбие мен оқытуға мемлекеттік тапсырысты дербестендіру бойынша жұмыстар жалғасуда,деп хабарлайды arainfo.kz
Қазақстанда мектепке дейінгі білім беруді ваучерлік қаржыландыру жүйесі кең ауқымда енгізілуде. 2024 жылдан бастап бұл механизм Тараз, Түркістан, Шымкент, Орал және Астана қалаларында сәтті жүзеге асырылды. 2025 жылдың наурыз айынан бастап жобаға Семей, Өскемен, Жезқазған, Қарағанды қалалары, сондай-ақ Байзақ және Сарыағаш аудандары қосылды.
Айта кету керек, ваучерлік қаржыландырудың пилоттық жобасын іске асырудың арқасында Тараз қаласының балабақшаларына кезек 12 есеге – 24 мыңнан 2 мыңға дейін, ал Түркістанда – 5 есеге-850-ден 169-ға дейін қысқарды. Осындай жағдай басқа аймақтарда да байқалады. Жобаны биылғы жылдың соңына дейін басқа өңірлерде де масштабтау жоспарлануда.