Әлеуметтік желі психикамызға қалай әсер етеді?
Бүгінде әлеуметтік желілер өміріміздің ажырамас бөлігіне айналды. Таңертең ұйқыдан тұрғаннан бастап, түнде көзіміз ілінгенше экранға үңілеміз. Күніне қанша уақыт әлеуметтік желілерде отыратынымызды өзіміз де байқамай қаламыз. Бірақ бұл әдет біздің психикалық денсаулығымызға қалай әсер етеді?
Зерттеулер көрсеткендей, әлеуметтік желілерді шамадан тыс пайдалану жастар арасында стресс пен депрессияның көбеюіне алып келеді. Әлеуметтік желіде барлығы бақытты көрінеді, барлығы сәтті, әдемі, табысты. Ал шын өмірде олай емес. Адамдар өздерінің ең жақсы сәттерін ғана бөліседі, бірақ бұл көріністердің артында шынайы қиындықтар, көңілсіздік, жалғыздық жатқанын ешкім көрсетпейді.
Аты-жөнін атамауын өтінген бір оқырманымыз «әлеуметтік желіде отыра бергеннен депрессияға түстім» деп басынан өткен оқиғасын айтып, ағынан жарылды.
Әлеуметтік желі мен шынайы өмірдің айырмашылығын түсіну өте маңызды. Әлеуметтік желі тек бір бөлігін көрсетеді, бірақ өмірдің байлығы мен күрделілігі әлдеқайда тереңде жатыр. Өмірдің мағынасы тек суреттер мен лайктарда емес, шынайы қарым-қатынастарда, эмоцияларда және өзара түсіністікте. Әлеуметтік желілерден тыс әлемде шынайы сәттер, нақты сезімдер және өмірдің нағыз бағасы бар.
Сымбат ҚУАНЫШ