24 келілік самса Қазақстанның рекордтар кітабына енді
Шымкентте өткен «ДәмДәсTour» гастрономиялық фестивалінде еліміздегі ең үлкен – 24 келілік тандыр самса дайындалып, Қазақстан рекордтар кітабына енді,деп хабарлайды arainfo.kz
Фестивальге 50-ден астам тамақтандыру орны қатысып, қала әкімі Ғабит Сыздықбеков аспаздар мен қолөнер шеберлерінің жұмыстарымен танысты.
Алып самсаны дайындаған «Камал ата» асүйінің бас аспазы Немат Нархожаев бұл тағамды әзірлеу үшін екі апта дайындалғанын айтты. Оның сөзінше, бастапқыда 17 келілік самса дайындалып, сәтті шыққан. Ал фестивальде ұсынылған тандыр самса 24 келіні құрап, рекорд жаңартты.
Қазақстан рекордтар кітабының ресми өкілі Бақытжан Сәбитұлының айтуынша, бұл – еліміздегі бұрын-соңды болмаған ерекше жетістік.