Тапсырмалар орындалуымен құнды
Мемлекет басшысы Қасым-Жомарт Тоқаевтың төрағалығымен өткен кезекті Ұлттық құрылтайда идеологиялық саясатты күшейту, жиын-тойлардағы ысырапшылдықты тыю, шетелдегі жастардың бірлестігін құру мен жұрттан жылу жинайтын қорлардың жұмысын реттеу және басқа да өзекті мәселелер көтеріліп, талқыланды. Ұлттық құрылтай мүшелері отырыс барысында осындай түйдек-түйдек мәселелерді көтеріп, ой-пікірлерін ортаға салды.
Құрылтайда Мемлекет басшысы жергілікті билік түбегейлі жаңғыртылғанын, үш жылдан астам уақыт ішінде ауыл әкімдерінің 72 пайызы жаңарғанын алға тартты. Пилоттық жоба ретінде аудандар мен облыстық маңызы бар қалалардың 45 әкімі сайланғанын, биылдан бастап барлық аудан әкімдерін халық тікелей сайлайтынын, түрлі деңгейдегі мәслихат сайлауы өкілді билік органдарының жұмысына тың серпін бергенін де атап өтті.
Құрылтай – қоғамның өзекті мәселелерін анықтап, талқылап, оларды жүйелі шешу жолын қарастырады. Бүгінде үш мәрте бас қосқан өұрылтайды – ұлы кеңестердің заман ағымына сай модернизациялануы деп бағалауға болады.
Зерделеп көрсек, әр жылы өткен құрылтайда көтерілген мәселелердің де ауқымы кеңейіп келеді. Осыған сәйкес ол жерде айтылған мәселелерге байланысты қабылданатын шешімдер мен берілетін тапсырмалар да өте маңызды.
Айбек ҚАДРАЛИЕВ,
облыстық жастар ресурстық орталығы директоры