Таразда талдарды цифрландыру жұмыстары жүргізілуде
Жамбыл облысындағы 371 елді мекенде 163 тұрмыстық қатты қалдықтар полигоны орналасқан. Оның 159-ы коммуналдық меншікте болса, төртеуі жеке кәсіпкерлерге сенімгерлік басқаруға берілген,деп хабарлайды arainfo.kz
Сонымен қатар экология департаменті тарапынан кездейсоқ тұрмыстық қатты қалдықтардың орнын анықтау мақсатында «Қазақстан Ғарыш Сапары» Ұлттық компаниясы» АҚ-ның бағдарламасы арқылы ғарыштық мониторинг түсірілімі жүргізіліп, нәтижесінде 343 кездейсоқ қоқыс учаскілері анықталып, толық жойылған. Сондай-ақ Тараз қаласы аумағындағы талдарды цифрландыру жұмыстары да қарқынды түрде жүзеге асуда. Жалпы «Таза Қазақстан» акциясы аясында Әулиеата өңірінде ауыз толтырып айтарлықтай бастамалар қолға алынған. Бұл туралы облыс әкімінің орынбасары Қанатбек Мәдібек өңірлік коммуникациялар қызметінде өткен брифинг барысында айтты.