Көктемде ауыр жүк көліктерінің қозғалысына уақытша шектеулер енгізіледі
1 наурыздан бастап Қазақстанның сегіз өңірінде ауыр жүк көліктерінің қозғалысына шектеу енгізіледі, деп хабарлайды arainfo.kz
Қазақстанда көктемгі кезеңде республикалық маңызы бар автожолдарды сақтау мақсатында бір оське түсетін жүктемесі 8 тоннадан асатын көлік құралдарының қозғалысына уақытша шектеу қойылады. Бұл туралы жауапты мекемелер хабарлады.
1 наурыз – 1 сәуір аралығында шектеу енгізілетін өңірлер:
Алматы, Атырау, Жамбыл, Ұлытау, Қызылорда, Маңғыстау, Жетісу және Түркістан облыстары.
23 наурыз – 1 мамыр аралығында шектеу қолданылатын өңірлер:
Ақмола, Ақтөбе, Абай, Шығыс Қазақстан, Батыс Қазақстан, Қарағанды, Қостанай, Павлодар және Солтүстік Қазақстан облыстары.Ал;
Шектеу шаралары жүктерді және жолаушыларды халықаралық тасымалдауды жүзеге асыратын, төтенше жағдайлардың алдын алу және жою жөніндегі іс-шараларға тартылған, зардап шеккендерге гуманитарлық көмек, азық-түлік, багаж, дәрі-дәрмек тасымалдауды жүзеге асыратын, сондай-ақ жол-құрылыс жұмыстарымен айналысатын автокөлік құралдарына қатысты қолданылмайды.