Оқырман мәдениетін қалыптастыратын айрықша акция
Облыстық жастар ресурстық орталығы мен «Ауыл» партиясы облыстық филиалының ұйымдастыруымен «Әулиеата – кітап оқитын өңір» жобасы аясында кітап қабылдау акциясы өтті. Айрықша акцияның негізгі мақсаты – оқырман мәдениетін қалыптастыру, қала тұрғындарының кітап оқуға деген қызығушылықтарын оятып, көпшілік алдында өз ойын еркін жеткізуге, тіл байлығын дамытуға ықпал ету.
Облыстық жастар ресурстық орталығы директорының орынбасары Медеу Мырзатайдың айтуынша, акция аясында қала тұрғындары жастарға өздері оқыған кітаптарды тарту етіп, облыс әкімі Ербол Қарашөкеевтің бастамасымен қолға алынған «Әулиеата – кітап оқитын өңір» жобасына айрықша қолдау білдіруде.
Ал «Ауыл» партиясы облыстық филиалының төрағасы Әйгерім Сәрсенбаеваның айтуынша, кітап қабылдау акциясы республика бойынша жүзеге асуда.
Акцияға қатысып, кітап тапсырған жастың бірі – Жалғас Оразбек.
Акция аясында «Абай жолы», «Алтын тұғыр», «Айтылмаған ақиқат», «Мен сондаймын», «Ер Шона», «Фатима» кітаптары мен Күләш Ахметова, Дулат Исабеков пен өзге де әдебиет майталмандарының шығармашылығы көпшілік назарына ұсынылды.
Мұқағали БАЛТАБЕВ