Жамбыл облысында 22 жастағы полиция қызметкері өзін атып өлтірді
Жамбыл облысында 22 жастағы полиция қызметкері өз-өзіне оқ атты, деп хабарлайды arainfo.kz
Тараз қаласынан бес шақырым жерде, Жасөркен кентінде, 2003 жылы туған полиция кіші сержантының мәйіті табылды.
Алдын ала мәлімет бойынша, арнайы қызметтік қамтамасыз ету басқармасының қызметкері өз тапаншасымен басына оқ атқан. Оқиға орнына облыстық полиция департаментінің басшылығы, арнайы қызметтік қамтамасыз ету басқармасы және тергеу тобының өкілдері жетті.
Қазіргі уақытта өлімнің нақты себебі анықталуда.