Тарихқа тағзым – ұрпаққа аманат
Қазақстан халық партиясының ұйымдастыруымен Бауыржан Момышұлы атындағы «Жеңіс» саябағындағы «Даңқ» залында Ұлы Отан соғысының 80 жылдығына арналған «Ұлы жеңіске тағзым» атты іс-шара өтті.
Жиын барысында майдан жылдарының азабы мен қасіреті баяндалған бейнеролик көрсетіліп, оркестрдің сүйемелдеуімен сол кезеңдердегі әндер шырқалды. Қазақстан халық партиясының ұжымы ардагерлерге арнайы гүлшоқ табыстап, өз алғыстарын білдірді.
Ал Қазақстан халық партиясы облыстық филиалының төрағасы Жанат Бастаубаева игі бастаманың мән-маңызына тоқталды.
Ал блыстық ардагерлер кеңесінің төрағасы Еркінбек Солтыбаев тағылымы мен тәлімі мол іс-шараны ұйымдастырып, ардагерлерге, тыл еңбеккерлеріне құрмет көрсеткен Қазақстан халық партиясы ұжымына риясыз алғысын білдірді.
Сонымен қатар іс-шара барысында «Кестелі орамал», «Жеңіс күнінде», «Жасай бер, Қазақстаным!» атты әндер шырқалып, «Бақытты болашақ» оқушылар сарайының оқушылары би билеп, өткен күннің жүректі сыздатар естеліктерін қайта еске түсіргендей болды.
Мұқағали БАЛТАБАЕАВ