Халыққа сапалы қызмет көрсетілуде
Өңірлік коммуникациялар қызметінде «Азаматтарға арналған үкімет» мемлекеттік корпорациясы» коммерциялық емес акционерлік қоғамы облыс бойынша филиалының директоры БатырханТоқтағұлдың қатысуымен брифинг өтті.
Мемлекеттік корпорацияның облыс бойынша филиалында барлығы 48 құрылымдық бөлімше, оның ішінде 15 басқарма, 32 бөлім, 1 мемлекеттік құпияларды қорғау бөлімшесі жұмыс істеп тұр. Бүгінде мемлекеттік қызметтер реестріндегі 1 359 қызметтің 94,2 пайызы, яғни 1 281-і мемлекеттік корпорация арқылы қолжетімді. Филиалда былтыр фронт-офистер арқылы 909 121 мемлекеттік қызмет көрсетіліп, оның ішінде электрондық форматта 7 403 қызмет ұсынылған. Ал 2023 жылы 1 053 152 мемлекеттік қызмет көрсетілген. Бірыңғай байланыс орталығы арқылы былтыр 1 977 283 қоңырау қабылданған.
Брифинг соңында БАҚ өкілдері түрлі сауалдар қойып, нақты жауап алды.
Құралай СЕЙСЕНБЕКҚЫЗЫ