16 тұрғынның мәселесі оң шешімін тапты
Облыс әкімі Ербол Қарашөкеев азаматтарды қабылдады. Бұл жолы 16 тұрғын білім, денсаулық сақтау, спорт, жұмыспен қамту, тұрғын үй коммуналдық шаруашылық, жер қатынастары салаларына қатысты мәселелерін көтерді.
Ербол Шырақпайұлы барлық өтініш-тілекке нақты жауап беріп, түйткілді мәселелердің түйінін тарқатудың заңды жолдарын ұсынды.
Жауапты тұлғаларға өзекті сауалдарды егжей-тегжейлі зерделеуді, шешу жолдарын қарастыруды тапсырды.
Айта кетейік, өңір басшысы 2024 жылы 35 жеке қабылдау өткізіп, 480 азаматтың мәселесіне құлақ түрді.
Облыс әкімінің баспасөз қызметі