Елорда төрінде еліміздің бас шыршасының шамы жағылды
Астанада 30-дан астам мерекелік шыршаның шамын жағу рәсімі өтті, деп хабарлайды arainfo.kz
Елордада өткен мерекелік шара аясында қазақстандық эстрада жұлдыздары Қайрат Баекенов, Ринат Малцагов, AYREE, балалар хоры және би ұжымдары тұрғындар мен қонақтарға өз өнерлерін паш етті. Іс-шараға шамамен бес мыңға жуық адам жиналды.
Шараның басты нысаны – “Астана Арена” тұрағында орнатылған биіктігі 25 метрлік бас шырша болды. Сонымен қатар қала аудандарында 30 шыршаның шамы жағылды.