Қазақстандық боксшы Латын Америкасының чемпионы атанды
Қазақстандық спортшы, үш дүркін КИнЭС рекордшысы Алмат Жұманов (Qazaq Titan) 17 желтоқсан күні кәсіпқой бокстан UBC Continental Латын Америкасы чемпиондық белбеуін жеңіп алды,деп хабарлайды arainfo.kz
Қазақстандық спортшы Алмат Жұманов (Qazaq Titan) 17 желтоқсан күні Колумбияның Санта-Марта қаласында өткен жекпе-жекте жергілікті боксшы Александр Монтероссаны (25-18-3) 77 кг салмақ дәрежесінде 1-раундта (26 секунд) нокаутпен жеңіп, UBC Continental Латын Америкасы чемпиондық белбеуін иеленді.
Айта кетейік, Алмат Жұманов – Қазақстан Рекордтар кітабына үш мәрте рекорд тіркеген спортшы және жалаң қолмен жұдырықтасу спортында АҚШ-тың BKFC лигасымен келісімшартқа отырған алғашқы қазақ. Ол аталған лигада қыркүйек айында алғашқы жекпе-жегін өткізіп, 1-раундта техникалық нокаутпен жеңіске жеткен.