Димаш Құдайберген «Diafa» жүлдесінің лауреаты атанды
Танымал қазақстандық әнші Димаш Құдайберген Дубайда өткен DIAFA (Distinctive International Arab Festivals Awards) халықаралық премиясының иегері атанды,деп хабарлайды arainfo.kz
Димаш өз жетістігін әлеуметтік желідегі парақшасында бөлісіп, ұйымдастырушылар мен шараны өткізуші тарапқа ризашылығын білдірді:
DIAFA премиясы туралы:
DIAFA – бұл Дубайда жыл сайын ұйымдастырылатын халықаралық деңгейдегі беделді марапаттау шарасы. Премия өнер, мәдениет, бизнес және гуманитарлық салалардағы ерекше жетістіктерімен танылған әлемнің түрлі елдерінен шыққан көрнекті тұлғаларға табысталады. Лауреаттар халықаралық сахнадағы ықпалы мен жетістіктері үшін таңдалады.
Димаштың мұндай беделді марапатқа лайықталуы оның халықаралық деңгейдегі өнердегі жетістіктерін тағы бір рет дәлелдеді. Қазақстандық әншінің музыкасы әлемнің түкпір-түкпірінде тыңдалып, жоғары бағалануда. DIAFA сыйлығы Димаштың өнерге қосқан үлесін мойындаудың кезекті бір айғағы болды.