Франциядағы халықаралық өнер байқауында қазақстандық жас өнерпаз жеңімпаз атанды
Насыр Тарлабек баян және аккордеон аспабы бойынша өткен «CMA Trophee Mondial» халықаралық байқауында бірінші орынға ие болды,деп хабарлайды arainfo.kz
Ахмет Жұбанов атындағы дарынды балаларға арналған музыка мектеп-интернатының оқушысы Насыр Тарлабек баян және аккордеон аспабы бойынша өткен «CMA Trophee Mondial» халықаралық байқауында бірінші орынға ие болды.
Әлемнің үздік жас музыканттарын тоғыстыратын бұл беделді байқау 1951 жылдан бері өткізіліп келеді. Биылғы байқауда еліміздің намысын абыроймен қорғаған Насыр Тарлабек – республикалық және халықаралық деңгейдегі көптеген өнер байқауларының лауреаты әрі болашағынан зор үміт күттіретін жас дарын.
Жас талантты бұл лайықты жеңісімен шын жүректен құттықтаймыз! Оған мәдениет пен өнер саласында жаңа биіктерді бағындырып, шығармашылық жолында талай табыстарға жетуін тілейміз!