Медициналық қызмет сапасы арта түседі
Денсаулық сақтау мекемелері халыққа сапалы қызмет көрсетіп, қауіпсіздік талаптарына сай болуы үшін медициналық жабдықтар мен технологияны үнемі жаңартып отыру маңызды. Медициналық аппараттардың жай-күйі диагноздың дәлдігіне, емдеу сапасына тікелей әсер етеді.
Заманауи технологиялар мен инфрақұрылымсыз адамдардың өмірі үшін күресіп, емделушілердің денсаулығын жақсарту мүмкін емес. Сондықтан медициналық құрылғыларды уақытылы жаңартып отыру – денсаулық сақтау саласының басым бағыттарының бірі.
Облыс әкімдігі денсаулық сақтау басқармасы басшысының орынбасары Перизат Үмбетәлінің айтуынша, аймақтағы медициналық мекемелердің жабдықталу деңгейі бүгінде 92,6 пайызды құраған. Өңірдегі емдеу мекемелеріндегі медициналық құрал-жабдықтардың тозу деңгейі өткен жылы 35,88 пайызға тең болса, биыл бұл көрсеткіш 35,67 пайызға төмендеген.
Ақтоты БЕКЕНҚЫЗЫ