Дәрігерлерге 10 млн теңгеге дейін көтерме төлемдер төлене бастады

Алғаш рет ауылдық жерге жұмысқа келетін дәрігерлерге 10 млн теңгеге дейін көтерме төлемдер төлене бастады, ал қалада жұмысқа орналасқан мамандар 5 млн теңгеден алады.

Әлеуметтік қолдау пакеті мен қаржылық ынталандыру биылғы жылы 9 дәрігерді ауылдық медициналық ұйымдарға тартуға мүмкіндік берді, тағы 16 дәрігер облыс орталығында жұмыс істеуге қалды. Жыл соңына дейін ағымдағы жылдың шілдесінен қазанына дейін жұмысқа қабылданған тағы 45 дәрігерге көтерме ақы төлеу жоспарлануда.
Облыстың денсаулық сақтау басқармасының хабарлауынша, өткен жылы өңірде дәрігерлік кадрлардың тапшылығы 8% - ға төмендеді, жыл басынан бері медицина қызметкерлерінің кадрлық құрамы 76 дипломды маманға толықты.

Бұл ретте келген дәрігерлер 3 айлық сынақ мерзімінен сәтті өтіп, өңірде барлығы 5 жыл жұмыс істеуі тиіс.
«Білікті медициналық кадрларды тарту үшін біржолғы көтерме төлемдерді төлеу туралы шешім қабылданды, бұл мақсаттарға бюджеттен 595 млн. теңге бөлінді», - деді облыстық денсаулық сақтау басқармасының басшысы Арман Жансеңгіров.

Жыл сайын облысқа 80-ге жуық жас маман келетінін айта кеткен жөн. Солардың бірі - 17 жылдық еңбек өтілі бар хирург Нұрмұхамед Байжанов, Қабанбай ауылындағы Алакөл ауданының орталық ауруханасының бөлімшесіне жұмысқа келген. Ол 6 ай бұрын ауылдық ауруханаға жұмысқа келіп, қолдау ретінде 10 млн. теңге көлемінде көтерме төлем алды. Жергілікті әкімдік оның отбасы үшін тұруға жағдай жасай алды.

Алакөл АОА директорының орынбасары Эльмира Серікованың айтуынша, Қабанбай ауылындағы аудандық АОА бөлімшесіне осы бағдарлама бойынша 5 жаңа маман, оның ішінде 2 хирург, 2 реаниматолог және бір акушер-гинеколог қабылданды. Барлық мамандар көтерме төлемдерін алды.

Биыл Мемлекет басшысы заң қабылдағанын, оған сәйкес ауылдық жерлерге жұмысқа келетін аса тапшы мамандықтар бойынша медицина қызметкерлері 100 ЕТЖ немесе 8,5 млн.теңге алатынын естеріңізге сала кетейік.